सुनसरीको इटहरी चोकमा आगलागी बिग बार रेष्टुरेण्ट जलेर खरानी

अनलाईन न्युजपाटी, इटहरी,समाचारदाता, मंसिर २२  गते।

इटहरीको मुख्य चौकमा रहेको दुई बर्ष अगाडी बनेको सुर्य कम्लेक्समा रहेको बिग बारमा आगलागी भएको थियो । बिग बार रेष्टुरेण्टबाट आगो सल्किएको इलाका प्रहरी कार्यालय इटहरीले जनाएको छ । साढे तीन घण्टापछि ९ वटा दमकलको साहयतामा आगो नियन्त्रणमा आएको इलाका प्रहरी कार्यालय इटहरीका डिएसपी धर्मराज भण्डारीले अनलाईन न्युजपाटीलाई बताए । विरानगर,दमक,सप्तरी,धरानको २वटा दुहवी,महेन्द्रगर सुन्दरहरैचा र इटहरीको गरि ९ वटा दमकल सँगै प्रहरीको साहयतामा आगो नियन्त्रणमा आएको प्रहरीको भनाई छ ।आगोको मुस्लो देखिएपछि स्थानीय, नेपाल प्रहरी, नेपाली सेना र दमकलको सहयोगमा आगो निभाए । चौथो तलामाथि लागेको आगो निभाउन दमकल र सुरक्षाकर्मीलाई मुस्किल भएको बताइएको छ । आगलागीको क्षतिको विवरण आइनसकेको इलाका प्रहरी कार्यालय इटहरीका डिएसपी धर्मराज भण्डारीले अनलाईन न्युजपाटीलाई जानकारी दिए । रेष्टुरेण्ट सञ्चालक किरण बुढाथोकीले भने २ करोड ५० लाख भन्दा बढीको क्षति भएको अनुमान गरे ।

Leave a Reply

Your email address will not be published. Required fields are marked *