अनलाईन न्युजपाटी काठमाडौँ,समाचारदाता, भदौ २५ गते
एसिसी प्रिमियर कप एक दिवसीय अन्तर्गत नेपालले आज ओमानको सामना गर्दै छ ।
यस खेलमा ओमानले टस जितेर पहिला फिल्डिङ रोजेको छ। योसँगै नेपालले पहिला ब्याटिंग गर्ने भएको छ।
यस खेलमा नेपाली क्रिकेटर शेर मल्लले एकदिवसीय अन्तर्राष्ट्रिय क्रिकेटमा डेभ्यु गरेका छन्। मल्लले मलेसियामा जारी एसीसी प्रिमियर कप अन्तर्गत ओमानविरुद्धको सेमिफाइनलमा खेल्दै एकदिवसीय डेभ्यु गरेका हुन्। उनी नेपालको तर्फबाट एकदिवसीय डेभ्यु गर्ने ४५औं खेलाडी बनेका छन्।
समूह ‘ए’ को विजेता नेपाल फाइनल प्रवेशका लागि समूह ‘बी’ को उपविजेता ओमानसँग प्रतिस्पर्धा गर्न लागेको हो । नेपाल समूह चरणमा तीन खेल जित्दै सेमिफाइनलमा पुगेको हो । नेपालले बहराइन, मलेसिया र साउदी अरेबियालाई पराजित गर्दा हङकङसँग भने हार व्यहोरेको थियो ।
यस खेलमा सन्दीप लामिछाने (कप्तान), आसिफ सेख, बसिर अहमद, रोहित पौडेल, देव खनाल, दिपेन्द्र सिंह ऐरी, इशान पाण्डे, गुलशन झा, शेर मल्ल, ललित राजबंशी, करण केसी रहेका छन्।